منتدى قرية كوري

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى قرية كوري للجميع

المواضيع الأخيرة

» تاريخ وانساب كوري
حبى انا ليك كان ذادى Emptyالجمعة ديسمبر 12, 2014 9:37 am من طرف Mohammed

» الجابرية تحيي الثورة
حبى انا ليك كان ذادى Emptyالأربعاء يوليو 02, 2014 5:51 pm من طرف ahmed almazoon

» المولد النبوي الشريف
حبى انا ليك كان ذادى Emptyالجمعة يناير 10, 2014 7:23 pm من طرف ابراهيم عبدالحافظ ابراهيم

» تغيــر حالنــــــا فمـــا السبب ?
حبى انا ليك كان ذادى Emptyالجمعة يناير 10, 2014 6:59 pm من طرف ابراهيم عبدالحافظ ابراهيم

» تذكره..............................
حبى انا ليك كان ذادى Emptyالإثنين يناير 06, 2014 10:42 pm من طرف ابراهيم عبدالحافظ ابراهيم

» من اشعار محمود الجيلى
حبى انا ليك كان ذادى Emptyالإثنين يناير 06, 2014 10:10 pm من طرف ابراهيم عبدالحافظ ابراهيم

» ...........
حبى انا ليك كان ذادى Emptyالإثنين يناير 06, 2014 9:56 pm من طرف ابراهيم عبدالحافظ ابراهيم

» بطاقات تـــــعـــــارف
حبى انا ليك كان ذادى Emptyالسبت يونيو 08, 2013 1:29 pm من طرف ود شيخ منور

» يا تموت يا تعضي السكوت
حبى انا ليك كان ذادى Emptyالأربعاء ديسمبر 26, 2012 9:40 am من طرف عثمان كوري

تصويت


    حبى انا ليك كان ذادى

    عمادالدين
    عمادالدين
    عضؤ
    عضؤ


    حبى انا ليك كان ذادى Empty حبى انا ليك كان ذادى

    مُساهمة  عمادالدين الخميس أكتوبر 08, 2009 7:29 pm

    []دي قصيده شايقيه أعجبتني..
    حبك كان زادي كان جوه الحنايا دفين
    كنت بضاري من الناس وخايفه عليه من العين
    عليه انا كت بصوم وافطر عليه بكابد النارين
    كت بحسب سنين الغربه لما تعود تجيني متين
    وكت برجاك فوق النار لما وكت لقانا يحين
    نونس في براءة اطفال في الحب نروا ننهل زين
    وكل مايوم يزيد البينا لما بقينا قاب قوسين
    اتاريني كت فيك مخدوعه وكم من زيي مخدوعين
    وماقايلاك تلعب بي تعيش اللحظه بس والحين
    ماقايلاك حبيب آلاف وقلبك قبله للضالين
    وماقايلاك تنسى حبيب صبر راجيك سته سنين
    وتشغل بالك الاشواق لامن تذبل الياسمين
    وكيفن هان عليك تنساه زولا كان عليك حنين
    وكت دايراك بسمه عريضه في وش الزمان الشين
    وكت دايراك وكت الحاره تبقى لي دخر خزين
    وكت دايراك مقنع حوبه وكتين المضاره يبين
    وكت دايراك فارس احلام تشاركني ونتم الدين
    وكت دايراك شريك الروح اخدمك حافية القدمين
    وكت بحلم بك انت معاي مجرتق بالعديل والزين
    وجمبك في شمالك قاعده نسمع في قدر ياعين
    نبشر زين مع الاصحاب وتنشبل من الوزين
    انا الابحرت راكبه الموج بقيت مرسايه بين موجتين
    الوداع ياسراب خداع محال مابيروي عطشانين
    وداعا ياحلم عابر ويسعد ويفرح النايمين
    وداعا ياكلام معسول حدو ومكمنو الشفتين
    وداعا ياسحابة صيف شايله مطر شويله رهين
    تبشر بي خريف جايينا لامن ناس رجوهو سنين
    وكل زولا بفكر فيها مامعروفه تنزل وين
    والف سلام عليك ياقلبي مسالم وديمه طبعو حنين
    يتاورو الشوق ويلعب بيه تنحر في حشاه السكين
    تعاودو الذكرى في جواه حالتو تحنن المسكين
    أخيرا ليك الف سلام قبل ماتجف دموع العين
    وقبال مني ماتعدي وقبال الفراق مايحين
    بخيت وسعيد عليك انشالله يبقالك عمار وبنين
    وقلبي انا خلي في اناتو بعدك ياما راجي انين
    وان كان ياقلب حبيت بعدو بعد قسمت يمين
    انشالله ماينتم ليك مراد وماتضوق لاحلو ولازين
    وعمرك ماتجيك سعاده وماتتهنا قول آمين
    وتاني الحب عليك حرمان وعد الحر أمانه ودين
    كان جوه الحنايا دفين
    كنت بضاري من الناس وخايفه عليه من العين..





    [/center][/center][/b][/font][/size]

      الوقت/التاريخ الآن هو الجمعة مارس 29, 2024 8:01 am