سمحة وسمرية

سمحة وسمرية
محمد طه القدال
************
سمحة وسمرية
محبوبتى ولفتاتة غزالة
خضرة ومسقية
وجنب النيل مشتولة النالة
بهواك يا بنيـّة كتبتو قصيد
وبقولو مقالة
بتفتحى فيـّـا معانى غناى
تديلة مجالا
************
زهرة وبرية
بشوق الأرض عيونا كُحالة
تريانة ندية
بعرق الناس والناس فى بالة
يا خوفة علىّ عقل وثبات
ماهـا الولوالة
************
من فرحى البيـّا
قلعت الخوف وكستنى بسالة
قت ليها النية متين نتلم
والحال بطالة
قالت لى غنية وإنت معاى
مستورة حالة
بت سودانية محبوبتى
ولفتاتة غزالة

السلام عليكم ورحمة الله
الاخ العزيز احمد المازون كيفنك واخبارك والله مشتاقين واحوال شنو؟ عساك طيب
كبف عامل وين اراضيك يارجل ؟
انا انضميت اخيرا لهذا المنتدى الرائع ونتمنى ان يكون منتدى جامع للاخوة والاحباب والاصداقاء الذين ابعدتنا عنهم ظروف الحياة واصبح من الصعب اللقاء والجمع بهم .واتمنى ان يكون خيرا جامع لابناء المنطقة ويكون خير زاد للتعارف ونساهم جمعيا فى رفع مستوى هذه القرية التى لها دين علينا جمعيا .اظن اذا استمر الحال السياسى بهذا المستوى فسيكون الرجوع للجذور هو الحل ( مسافة السكة مهما طول بضو مصيرى ارجع ليك انا البهوااك وقلبى وانا الزول البريد زاااااتو)
اخيرا اتمنى ان نساهم جمعياوان ندعو الاخوةوالاحباب للمشاركة فى هذا المنتدى حتى حتى نساهم جميعا فى تقليل المعاناة عن اهلنا فى تلك القرية الابية وفقنا الله واياكم فى فعل الخير

اخي عثمان اولاً الف حمدالله على السلامة واجر وعافية ان شاء الله
سعدت بمرورك واشكرك على الكلمة الرقيقة وان كنت لا استحقها فيكفيني شرفاً وقوفك على ما اختاره لكم00 وان كنت في شوق الى اخر كتاباتك عن المزبلة
وشكراً عمر سيداحمد سائلين منك وفي شوق للقياك فنحن ننتظر مساهماتك وارائك في هذا المنتدى