منتدى قرية كوري للجميع

المواضيع الأخيرة

» تاريخ وانساب كوري
من روائع هاشم صديق Emptyالجمعة ديسمبر 12, 2014 9:37 am من طرف Mohammed

» الجابرية تحيي الثورة
من روائع هاشم صديق Emptyالأربعاء يوليو 02, 2014 5:51 pm من طرف ahmed almazoon

» المولد النبوي الشريف
من روائع هاشم صديق Emptyالجمعة يناير 10, 2014 7:23 pm من طرف ابراهيم عبدالحافظ ابراهيم

» تغيــر حالنــــــا فمـــا السبب ?
من روائع هاشم صديق Emptyالجمعة يناير 10, 2014 6:59 pm من طرف ابراهيم عبدالحافظ ابراهيم

» تذكره..............................
من روائع هاشم صديق Emptyالإثنين يناير 06, 2014 10:42 pm من طرف ابراهيم عبدالحافظ ابراهيم

» من اشعار محمود الجيلى
من روائع هاشم صديق Emptyالإثنين يناير 06, 2014 10:10 pm من طرف ابراهيم عبدالحافظ ابراهيم

» ...........
من روائع هاشم صديق Emptyالإثنين يناير 06, 2014 9:56 pm من طرف ابراهيم عبدالحافظ ابراهيم

» بطاقات تـــــعـــــارف
من روائع هاشم صديق Emptyالسبت يونيو 08, 2013 1:29 pm من طرف ود شيخ منور

» يا تموت يا تعضي السكوت
من روائع هاشم صديق Emptyالأربعاء ديسمبر 26, 2012 9:40 am من طرف عثمان كوري

تصويت


    من روائع هاشم صديق

    من روائع هاشم صديق Empty من روائع هاشم صديق

    مُساهمة  ahmed almazoon في الجمعة مايو 28, 2010 10:24 pm

    هاشم صديق
    عَزم الغَلَابة
    مسكين أنا

    ومسكين أبوى

    مسكينه أمى..وبرضه أختى

    كمان أخوى

    لكن - ورغمَك يا شَقَا-

    بَرضُه راكزين زى بَلد

    الليل سَرَحَ فيها ومشَىَ

    وسَاوم عيونها وحَنَّسَها

    ولا اتبَدَلت..لا استسلمت

    مسكين أبوى

    ضامِر مِتِل عوداً نِشِف

    ومسكين أبُوه

    السَّلَّ سيفو على المدافع

    وصاغ صباح مليون حَرِف

    ومسكينة أمى

    الما غِشَت درب الكتابة

    لكنها

    ساعة الحريق الشال عُمُر

    ناساً عُزاز نصروا الغلابه

    عِرفت تَخُط حرفين كبار

    رَسِمُهم حِلاَ

    ولاَ مِن لَمَع لون الحِبِر

    كل البلد صِبحَت دروب

    مكتوبه لا




    تَعَب حُرُوفها

    ضِحكت عيونها

    كلام أكيد قالوه غيرى

    ودايِر اقول ابيات جديده.

    وشان أطوّع للحروف

    العارفها مرات عنيده

    ساهرت زى قطرة مَطَر

    فىجناح سحابة.

    وقلت يا أقدر أقول أوصافى فيها

    او أصوم من الكتابة.



    حاولت أرسُم ضَحْحَتَها

    كل ما أحَنِّس فى الحروف

    ألأقاها تابى

    حاولت تانِى

    بديت أعيد رسم الحروف

    إصرارى!؟..لا لا

    ريدى ليها الطاغى جابها

    وفرحت لاَ مِن دمعة رَقَشَت

    وخُفتَ تنزل

    وللخطوط تَمسَح تَبَدل

    وَقَفتَ حيلى بعيد مشيت

    قَبَّلتَ تانى رجعت جيت.

    زِدت الخطوط عايَنْت فيَها

    لقيت نجم شَعّ وْحَضَن

    وردة بَنَفسج جوّه غابة.

    وكلمة احبك فى الفروع

    مكتوبة بى صدق الغلابة.

    وكوخ مَحَكّر فى القمر

    قلبى البِرِيد لى بابه شابا

    وفكرت تلت الليل أفسّر

    وين جمال ضحكة عيونها

    وين؟وين؟ وهل..؟

    وهل أحرف كلامى الفيها دونها؟

    وحاولت تانى

    ومن جديد سِخَت الحروف

    زدت الخطوط اكتر كمان

    بَسَمت عيون السمحه من وسط السطور

    وشوَيّه من الدايروبان.

    وبديت أزيد... ومرات اعدِّل

    ولما ألقىَ وَصِف جديد

    أفرح واقيف فى الساحه أقدِل

    وفى النهاية لقيت عيونها.

    والبَرِيق الزى شموس حَاضِن سنونها.

    والخدود والجيد... وخصلاتها

    البِزِيد غزل النسايم فى جِنونها

    كلهن ضاحكين بتَاوقوا من القصيدة

    إلإ آه أنا من حروفى الفيها عاجزة

    كل الكتبتُه محال يكون أبيات جديدة

    محال يكون أبيات جديدة

    من روائع هاشم صديق Empty شكــــــــــــــــــــــــــــــــــــــــــــــــــــــــــــــــــــــــــرا

    مُساهمة  يحيى محمد في الإثنين مايو 31, 2010 2:38 pm

    Embarassed
    شكرا على الاختيار الجميل دا وراجين المزيد

      الوقت/التاريخ الآن هو الخميس سبتمبر 19, 2019 6:49 pm