منتدى قرية كوري

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى قرية كوري للجميع

مواضيع مماثلة

المواضيع الأخيرة

» تاريخ وانساب كوري
شوك الشوق Emptyالجمعة ديسمبر 12, 2014 9:37 am من طرف Mohammed

» الجابرية تحيي الثورة
شوك الشوق Emptyالأربعاء يوليو 02, 2014 5:51 pm من طرف ahmed almazoon

» المولد النبوي الشريف
شوك الشوق Emptyالجمعة يناير 10, 2014 7:23 pm من طرف ابراهيم عبدالحافظ ابراهيم

» تغيــر حالنــــــا فمـــا السبب ?
شوك الشوق Emptyالجمعة يناير 10, 2014 6:59 pm من طرف ابراهيم عبدالحافظ ابراهيم

» تذكره..............................
شوك الشوق Emptyالإثنين يناير 06, 2014 10:42 pm من طرف ابراهيم عبدالحافظ ابراهيم

» من اشعار محمود الجيلى
شوك الشوق Emptyالإثنين يناير 06, 2014 10:10 pm من طرف ابراهيم عبدالحافظ ابراهيم

» ...........
شوك الشوق Emptyالإثنين يناير 06, 2014 9:56 pm من طرف ابراهيم عبدالحافظ ابراهيم

» بطاقات تـــــعـــــارف
شوك الشوق Emptyالسبت يونيو 08, 2013 1:29 pm من طرف ود شيخ منور

» يا تموت يا تعضي السكوت
شوك الشوق Emptyالأربعاء ديسمبر 26, 2012 9:40 am من طرف عثمان كوري

تصويت


    شوك الشوق

    avatar
    احمدعبدالرحمن الشيخ
    عضؤ نشط
    عضؤ نشط


    شوك الشوق Empty شوك الشوق

    مُساهمة  احمدعبدالرحمن الشيخ الثلاثاء يونيو 22, 2010 1:54 pm

    شوك الشوق
    شوك الشّوق .. لي الشّوفه آ خي
    ضارب في إطن النسج الحي
    يا مُنقاشو أحزاني إنشرّت ..
    وادي الفرح إتمدّدْ صيْ
    يا راحلين عِنْ دُغُش اللّيل ..
    ما لاقيتو جناياً زي
    تكية نخل الفجر الجاسر ..
    فوق لي المترة عراجين ضيْ
    يا رعّاوة العرب الرُّحّل ..
    ما لاقاكم في المطراني
    في كاويق الجرف الأمحلْ
    بين أسراب الرهو الرّاحل ..
    ساند أكتاف اللّيل الميّلْ
    عِنْ ساساق الغيمة عليكم
    بين رقراق الخيمة معاكم ..
    ما أديتوهو شوي بي حَرْجَلْ
    آ رطانة الليلهم ليّلْ
    ما لاقاكم في ونساتكم
    بين الشّادي وبين كاساتكم
    في صلواتكم ..
    عِنْ دعواتكم
    أو دقساتكم
    عِزْ خلواتكم
    زول زول الله إن ِمحِن آ بسألْ

    الهبّاد لي غُلْب اخواتو
    الفرّاح عوّان الحلِّي
    الفدّار لي الليل ظلماتو
    آ نجمات شِقّيشْ قولِنلِّي
    ما لاقاك طالع مندَلِّي
    المطعوم من طيبة أمّاتو
    كالفَجّاج الندّ نباتو
    موج البحر الأحمر هوجتو
    وعِرْق العَرَق اللاّوي ثباتو
    جانا الشُّدَر الأخضر منو
    ونار الشُّدر الأخضر جاتو
    راح شقيش أب قولاً واحدْ
    ليش ما يرجع من غُرباتو
    طوّل .. طول ما طلّ علينا
    وقاطع مننا جواباتو
    الغابات جات تنشد منّو
    العُربان راجين جيّاتو
    أديناهم عَلَقو وعَرَقُو
    وصورتو يقلِّب في كتباتو
    ضُل رشّاشُو ..
    ركيزة زولو
    ساعات سِلْمو ويوم حوباتو
    سِنْ طوريتو ..
    ولون أبرولو
    وحِسْ طمبورو البي نغماتو
    لهلب عشق النّاس الفُقَرا
    وبرّد جوفِن ..
    بغنواتو .. الدّخَلت فينا ..
    تمرق جينا على جلاّتو
    وجيداً جينا ..
    طلقنا وشينا ..
    ووش أطفالنا الليلة حلاتو
    غني معانا غُنانا هويتو
    غني العالم غني حياتو
    لا ساومنا عليها قضيتو
    ولا فكّينا من إيدنا وصاتو
    ألف شليل يا نورا يفوتو
    شان ما يجيكي شليلك ذاتو
    ولما يجيكي .. شليلك ذاتو

      مواضيع مماثلة

      -

      الوقت/التاريخ الآن هو الخميس مارس 28, 2024 5:03 pm