منتدى قرية كوري للجميع

المواضيع الأخيرة

» تاريخ وانساب كوري
الجمعة ديسمبر 12, 2014 9:37 am من طرف Mohammed

» الجابرية تحيي الثورة
الأربعاء يوليو 02, 2014 5:51 pm من طرف ahmed almazoon

» المولد النبوي الشريف
الجمعة يناير 10, 2014 7:23 pm من طرف ابراهيم عبدالحافظ ابراهيم

» تغيــر حالنــــــا فمـــا السبب ?
الجمعة يناير 10, 2014 6:59 pm من طرف ابراهيم عبدالحافظ ابراهيم

» تذكره..............................
الإثنين يناير 06, 2014 10:42 pm من طرف ابراهيم عبدالحافظ ابراهيم

» من اشعار محمود الجيلى
الإثنين يناير 06, 2014 10:10 pm من طرف ابراهيم عبدالحافظ ابراهيم

» ...........
الإثنين يناير 06, 2014 9:56 pm من طرف ابراهيم عبدالحافظ ابراهيم

» بطاقات تـــــعـــــارف
السبت يونيو 08, 2013 1:29 pm من طرف ود شيخ منور

» يا تموت يا تعضي السكوت
الأربعاء ديسمبر 26, 2012 9:40 am من طرف عثمان كوري

تصويت


    الحراااميي

    شاطر

    muawia omer
    عضؤ مشارك
    عضؤ مشارك

    الحراااميي

    مُساهمة  muawia omer في السبت أغسطس 21, 2010 9:59 am

    قصيدة جميلة -في رأي -بالعامية جاسفناها ليكم علي قول الابن عبد الخالق- تحكي عن قصة واحد مع الحرامي السرق ملاياتو راجت في وقت سابق علي نطاق واسع عن طريق الرسائل التلفونية بصوت شايقي محبب خاصة في مقطع يقول فيهو
    كماااان تسرق ملايااتيييي
    اللليلي من كيسها مانفكت ولا عرف نقوشن كيف؟
    توجد بعض الكلمات والمقاطع يحتاج الجيل الجديد انه يسأل منها
    زي اللروتي في الساقي
    وتسرقك بطنك
    ونصيحو يشابي كايس إيدو
    وجملا عشاهو الزيف
    وحضيري
    والشارشوف
    وبي صراحة انا زااتي ما عارفو
    اخليكم مع القصيدة والمعذرة إذا كان قد تم نشرها قبل كدة
    باقي انا جديد نسبيا علي المنتدي
    ورمضان كريم
    تعيقني انا؟
    يعيقك الله يا مجرم
    وتسرقك بطنك إن شاء الله وتخليك ديمة متألم
    حضيري إن شاء الله يبراك وفلسا للجيوب يخدم
    والعطش اليحرق الجوف يخلي الفقراء قايمي وقاعدي ليك تعزم
    تعيقني انا؟
    يعيقك الله يا مجرم بي مدفع كلاشنكوف
    يواليك في المسيمع عاد يخليك لا سمع لا شوف
    ويجيك عميل من السوفيت مرسلو ليك غورباتشوف
    شايل حقنة حارقة معاهو يحرق قلبك وكبدك حتي المعدة والشارشوف
    تعيقني انا؟
    نان بالله لو سألوك نان عميان من اللسواق؟؟
    تسوق اروتي في ساقي تورا يقطع الخناق
    تسوقلك داف تدقشو ترلة في عقبة يخليك لا ضهر لا ساق
    نان بالله لو سألوك ماك عارف القروش بي وين؟؟
    ناس بانين عمارات ناس راحات وناس تخزين
    حكمت تجيني انا البلقط بي قرش وقرشين
    تقرشك عقربا تلقاك فوق الريق يكون جسمك مرطب تب
    تقرشك سموم الصيف تخلي وشيك قايم حب
    وقرشا يبلعك يلف بي جدة والصومال
    يجيبك تاني لينا هني
    يرميك في الرصيف بي جاي يسلب لحمك الفوقك يخليك بس عضام وعصب
    تعيقني انا؟؟
    تطرشق لي برنامج اخطط فيهو لي سنين؟؟
    يطرشق فيك كمبرسون يخليك انت بس ساردين
    ويطرشق فيك بوتجازا يكون جنبك صفيح بنزين
    وترقد ما نشوف لنا زولا يقولنا ماشي في تحسين
    كمان تسرق ملاياتي المن كيسها ما انفكت ولا عارف نقوشن كيف؟؟
    يفكك مننا الله اليوم قبل باكر يخليك لافي صيف وخريف
    يفك ضلعك تفارق عقلك تسك الماشي في عدلك
    زي جملا عشاهو الزيف
    نفسك فااااتحي ترقد فوق ملاياتي؟؟؟
    ترقد يابا في عنبر نصيحو يشابي كايس ايدو
    وترقد يابا في قبرا اعوذ ربي من هولو وعذاب سيدو
    ترقد يابا في غرفة تكون مفروشة بالصرفة ونملها يخموا بالقفة
    ولا تشوف جنة بي عينك ولا في العتبة تتعتب
    عشان عملك تملي كعب
    تسرق الجيب تسوي العيب
    انت حرامي ود الكلب

      الوقت/التاريخ الآن هو السبت أكتوبر 21, 2017 6:38 am