منتدى قرية كوري

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى قرية كوري للجميع

مواضيع مماثلة

المواضيع الأخيرة

» تاريخ وانساب كوري
اجمل قصيده فى ظهرت على الساحه الفنيه عامه Emptyالجمعة ديسمبر 12, 2014 9:37 am من طرف Mohammed

» الجابرية تحيي الثورة
اجمل قصيده فى ظهرت على الساحه الفنيه عامه Emptyالأربعاء يوليو 02, 2014 5:51 pm من طرف ahmed almazoon

» المولد النبوي الشريف
اجمل قصيده فى ظهرت على الساحه الفنيه عامه Emptyالجمعة يناير 10, 2014 7:23 pm من طرف ابراهيم عبدالحافظ ابراهيم

» تغيــر حالنــــــا فمـــا السبب ?
اجمل قصيده فى ظهرت على الساحه الفنيه عامه Emptyالجمعة يناير 10, 2014 6:59 pm من طرف ابراهيم عبدالحافظ ابراهيم

» تذكره..............................
اجمل قصيده فى ظهرت على الساحه الفنيه عامه Emptyالإثنين يناير 06, 2014 10:42 pm من طرف ابراهيم عبدالحافظ ابراهيم

» من اشعار محمود الجيلى
اجمل قصيده فى ظهرت على الساحه الفنيه عامه Emptyالإثنين يناير 06, 2014 10:10 pm من طرف ابراهيم عبدالحافظ ابراهيم

» ...........
اجمل قصيده فى ظهرت على الساحه الفنيه عامه Emptyالإثنين يناير 06, 2014 9:56 pm من طرف ابراهيم عبدالحافظ ابراهيم

» بطاقات تـــــعـــــارف
اجمل قصيده فى ظهرت على الساحه الفنيه عامه Emptyالسبت يونيو 08, 2013 1:29 pm من طرف ود شيخ منور

» يا تموت يا تعضي السكوت
اجمل قصيده فى ظهرت على الساحه الفنيه عامه Emptyالأربعاء ديسمبر 26, 2012 9:40 am من طرف عثمان كوري

تصويت


2 مشترك

    اجمل قصيده فى ظهرت على الساحه الفنيه عامه

    عمادالدين
    عمادالدين
    عضؤ
    عضؤ


    اجمل قصيده فى ظهرت على الساحه الفنيه عامه Empty اجمل قصيده فى ظهرت على الساحه الفنيه عامه

    مُساهمة  عمادالدين الثلاثاء سبتمبر 29, 2009 11:44 am

    سامحني واصفح ياحبيب ساقوني منك بالغصب
    ندمانه ليه سبتك براك تتباكى في نص الدرب

    طمني حالك انت كيف والبي يهون مهما ماصعب
    انا اصلي زول احساس ومات من بدري معتادي الضرب
    كم مرة شانك يامناي من حنضل الالام شرب
    من خشمي تتقاطر دماي لو ينطق اسمك بالكضب

    نفوني من نص الديار يوم عرفوا اني ليك بحب
    لكنو كل مازاد بعادي .. لقيته شخصك لي قرب
    سجنوني بين اربع حيط زربوني من جيهتك زرب
    لكني شايفاك كل يوم هل طيف خيالك يحتجب ؟


    طالوني باليد واللسان مافي شيتأ ما سُلب
    غير حبك الما قدروا يوم يصلوهو .. ماساكن القلب
    واغرب شىء اني انا بي وراك بنزل واتهان وانضرب
    لكني في لحظة لقاك بنساهو زي الكان لعب

    وريتم اني انا لي حبيب لو خنته بشعر بالذنب
    ساقيني راويني المحبة ومن حنانو كمان شرب
    ياخوية زي ريدك وليداك وبرضي للمريود بحب
    والله لو حاس بالعلي مابترضى بيتنا يتخرب

    زي ماب تدورلهم السمح لي برضوا خير الدنيا حب
    لكني القى الدايره وين من ناس معين خيرن نضب
    بالشورة زي بيعة الملح باعوني في السوق بالجلب
    وماراعو لي امي الدوام تتباكى شاني وتحتجب

    باريت لي زول بالجتة بس .. بارنك الروح والقلب
    انا قلبي لو فارق ضراك ما اظنه من بعدك كسب
    متحملي الام براي شايلي الهموم ما بتتحسب
    ومالقيت لي زول حس العلي قاسمني همي معاي تعب

    عرفت صح الم الضرب مابحسه زول غير الضرب
    الغربة كيف وعذابه ما ما بيطراه الا المغترب
    فوضت لي الله الامر وكتين من التحنيس غلب
    مظلومة والمظلوم دعوته من الاله ما بتتحجب


    ************

    بكتبلك اسع يالحبيب مصبرة وماسكى القلم
    بكت لك اسع والقليب مجروح يعاني من الالم
    مكتوبي من شهر العسل شهرالمرض وشهر السجم
    ملفوفة بي كفن الزفاف والحنة في ايديا دم
    *****
    مرقت من سجن الطغاة وقعت في الذل والوهم
    قبلت بالواقع المرير امنت بي امر القسم
    قبلت بالدايرنوا لي كم قبلي مظلوم انظلم
    ويئست من عيشة عذاب راماني في زول مارحم
    *******
    انسانة صرت بلا طموح بلا مبادى بلا قيم
    قنعت من الرحمة تب بس فيك ماتقطع العشم
    ولازلت ياك مالك القليب رغم انه امري انا انحسم
    ولازلت بفخر بيك واقول انت الحبيب في كل ملم
    ********
    ولازلت بي اسمك بصيح لو حتى ساكت اتهجم
    وبقوله قدام اي زول ماخايفة اصلو الموت هو كم ؟
    واخر رسالتي بطمنك ارجوك ماتشيل ليا هم
    خليك في عهدك معاي ارجاني لا تفوت بالسأم
    *********

    احفظني في جواك فرح .. بلسم تداويبو الالم
    زي حفظي ليك بين الضلوع انت وقليبي انا جم وجم
    اخواني سيبهم يفرحوا انا جرحي لسع مالتئم
    يمكن ضميرهم يوم يحس ويعرفو اني ان انظلم
    ويعودوا شان يبنو الوقع كيفن بيبنو الانهدم؟
    ***********

    ديل ناس هوايتم الظلم ديل خلوا عيشتي بلا طعم
    وما سوو بي حكم العقل ما بيندم الليهو احتكم
    الناس بتنقاس بالعقول ما بالجلاليب والعمم
    وانا ماسكي في حبل الصبر في الله املي انا ما اتعدم


    ***********************************************************


    عبدالخالق
    عبدالخالق
    عضؤ نشط
    عضؤ نشط


    اجمل قصيده فى ظهرت على الساحه الفنيه عامه Empty ب

    مُساهمة  عبدالخالق الأربعاء سبتمبر 08, 2010 2:08 pm

    شكرا يأ أستاذ عماد، ولا أسكت الله لك عادما

      الوقت/التاريخ الآن هو الخميس مارس 28, 2024 1:25 pm