نخلة وبنية وركعتين
الشاعرة:إيمان ابنعوف
أنا ما سألتك حقي فيك
الله البراهو بيسألك وديتو وين؟؟
وقعدت في ضل البيوت
أرسم علي ضهر الوجع
نخلة وبنية وركعتين
تاوقت بي باقي المروة اللسه ما كملت معاك
و مرقت كل الباقي لي عندك
قبل ما تلحقو
وخليتلك النور الوراي
يمكن يغسل عتمتك
يا وجعتك
تسرق من الليل الضلام
تمرق وكت دخلت طيور الجنة في عصب الكلام
تشهد علي
ناداني صوت المؤمنين
قالوا القيامه إتحددت
لكني ما صدقتهم
في سري قلت متين
متين بقينا علي الممات
لمن تقوم الدنيا كلها تنشغل
لكنه في نفس المكان
نفس الوطن بي نفس آهاتو الزمان
واقف علي حبل الصراط المستقيم
وانا ما رسمت الدنيا فيك
لكن رسمتك في الدروب الصادقه
في زمن الكذب
هسع لقيتك زيهم
مافي اختلاف
واحد من آلاف الأفاعي الحايمة
في نص الخلق
والله سويت العلي
من قلت حي علي العشق
شقيت دروب الوادي صي
ورويتو ريد لامن غرق
لكنو فرعك لسه ني
لليلي ما عرف الفرق
بين فرحة الزول الشقي
والدابو ما بارى العرق
جرحك يقطر لسه حي
سيفك يعافر ما مرق
روح خلاص مالك علي؟
هو شنو العليهو بنتفق؟
أنا قلت ليك أشكيني لي
ما قلت لي كل الخلق
والله ما لاقاني حي
يشرب دموعو ويتشرق
ما شاورتنا الأمسيات
ساعت بقينا علي الممات
ما خفنا إنو الليل يخش
لكني خفت علي البلد
ياربي إن سألوهو
كيف يقدر يصلي وعارف
إنو القبله بالصفحه اليمين
أبى يتعدل
كانت تقيله عليهو يرجع ركعتين
لي هسه واقف منتظر
راجيها يمكن حبه تتزحزح تميل
أو تتعدل
ولا البيوت القبلت من نورا تديهو اليقين
ويكمل الفضل نحيب
ومعا صلاتو علي الرسول
كانت تقول
أحسن أفوت
ألحق ضميري الفي عقاب الليل
يقشقش في الدموع
رغم إنو ما راجيك تحن
لا راجي غيماتك يجن
قنعتو من خيراً معاك
شقيت ضلوعو بيندهك
كورك عليك ساعة الحزن
فارق خلاص كل الدروب
لا دربك انت ولا الوطن
رغم انك اصلا ما معاي
لكن وحاة عينيك براي
بقدر ألم دمعاتي وارجع
راضي بي ألمي المعاك
وراجي غيمات الفرح
الشاعرة:إيمان ابنعوف
أنا ما سألتك حقي فيك
الله البراهو بيسألك وديتو وين؟؟
وقعدت في ضل البيوت
أرسم علي ضهر الوجع
نخلة وبنية وركعتين
تاوقت بي باقي المروة اللسه ما كملت معاك
و مرقت كل الباقي لي عندك
قبل ما تلحقو
وخليتلك النور الوراي
يمكن يغسل عتمتك
يا وجعتك
تسرق من الليل الضلام
تمرق وكت دخلت طيور الجنة في عصب الكلام
تشهد علي
ناداني صوت المؤمنين
قالوا القيامه إتحددت
لكني ما صدقتهم
في سري قلت متين
متين بقينا علي الممات
لمن تقوم الدنيا كلها تنشغل
لكنه في نفس المكان
نفس الوطن بي نفس آهاتو الزمان
واقف علي حبل الصراط المستقيم
وانا ما رسمت الدنيا فيك
لكن رسمتك في الدروب الصادقه
في زمن الكذب
هسع لقيتك زيهم
مافي اختلاف
واحد من آلاف الأفاعي الحايمة
في نص الخلق
والله سويت العلي
من قلت حي علي العشق
شقيت دروب الوادي صي
ورويتو ريد لامن غرق
لكنو فرعك لسه ني
لليلي ما عرف الفرق
بين فرحة الزول الشقي
والدابو ما بارى العرق
جرحك يقطر لسه حي
سيفك يعافر ما مرق
روح خلاص مالك علي؟
هو شنو العليهو بنتفق؟
أنا قلت ليك أشكيني لي
ما قلت لي كل الخلق
والله ما لاقاني حي
يشرب دموعو ويتشرق
ما شاورتنا الأمسيات
ساعت بقينا علي الممات
ما خفنا إنو الليل يخش
لكني خفت علي البلد
ياربي إن سألوهو
كيف يقدر يصلي وعارف
إنو القبله بالصفحه اليمين
أبى يتعدل
كانت تقيله عليهو يرجع ركعتين
لي هسه واقف منتظر
راجيها يمكن حبه تتزحزح تميل
أو تتعدل
ولا البيوت القبلت من نورا تديهو اليقين
ويكمل الفضل نحيب
ومعا صلاتو علي الرسول
كانت تقول
أحسن أفوت
ألحق ضميري الفي عقاب الليل
يقشقش في الدموع
رغم إنو ما راجيك تحن
لا راجي غيماتك يجن
قنعتو من خيراً معاك
شقيت ضلوعو بيندهك
كورك عليك ساعة الحزن
فارق خلاص كل الدروب
لا دربك انت ولا الوطن
رغم انك اصلا ما معاي
لكن وحاة عينيك براي
بقدر ألم دمعاتي وارجع
راضي بي ألمي المعاك
وراجي غيمات الفرح
» الجابرية تحيي الثورة
» المولد النبوي الشريف
» تغيــر حالنــــــا فمـــا السبب ?
» تذكره..............................
» من اشعار محمود الجيلى
» ...........
» بطاقات تـــــعـــــارف
» يا تموت يا تعضي السكوت