منتدى قرية كوري للجميع

المواضيع الأخيرة

» تاريخ وانساب كوري
الجمعة ديسمبر 12, 2014 9:37 am من طرف Mohammed

» الجابرية تحيي الثورة
الأربعاء يوليو 02, 2014 5:51 pm من طرف ahmed almazoon

» المولد النبوي الشريف
الجمعة يناير 10, 2014 7:23 pm من طرف ابراهيم عبدالحافظ ابراهيم

» تغيــر حالنــــــا فمـــا السبب ?
الجمعة يناير 10, 2014 6:59 pm من طرف ابراهيم عبدالحافظ ابراهيم

» تذكره..............................
الإثنين يناير 06, 2014 10:42 pm من طرف ابراهيم عبدالحافظ ابراهيم

» من اشعار محمود الجيلى
الإثنين يناير 06, 2014 10:10 pm من طرف ابراهيم عبدالحافظ ابراهيم

» ...........
الإثنين يناير 06, 2014 9:56 pm من طرف ابراهيم عبدالحافظ ابراهيم

» بطاقات تـــــعـــــارف
السبت يونيو 08, 2013 1:29 pm من طرف ود شيخ منور

» يا تموت يا تعضي السكوت
الأربعاء ديسمبر 26, 2012 9:40 am من طرف عثمان كوري

تصويت


    بلادي أنـــــــــــا

    شاطر

    بلادي أنـــــــــــا

    مُساهمة  عثمان كوري في الأحد أبريل 08, 2012 11:18 am



    للشاعر: إسماعيل حسن

    بلدي بلد ناسا مواريثم

    في أول شي ..كتاب الله

    وحصان مسروج، وسيف مسنون حداه درع

    كتاتيبم تسرج الليل مع الحيران

    وشيخا في الخلاوي ورع

    وكم نخلات تهبهب في جروفا الساق

    وبقرة حلوبة تتضرّع وليها ضرع

    بلدي أنا

    تشيل الناس ، كل الناس وساع بي حيلا وليلا يسع

    وتتدفق مياه النيل على الوديان

    بياض الفضة في وهج الهجير بيشع

    بلدي سهول ، بلدي حقول بلدي الجنة للعاشوها

    ولي البرّة بيها سمع

    بلدي بلد ناساً تكرم الضيف

    وحتى الطير يجيها جعان ومن أطراف تكيها شبع

    بلدي بلد الصفقة والطنبور وجاراتن تنق بالليل

    وبنوتن تحاكي الخيل

    يشابن زي جدي الريل

    بلدي أمان ، بلدي حنان وناسا حُنان

    يكفكفوا دمعة المفجوع

    ويبدّوا الغير على زاتم

    يقسموا اللقمة بيناتم

    ويدّوا الزاد حتن كان مصيرم جوع

    يحبّوا الجار

    يموتوا عشان حقوق الجار

    يضوقوا النار عشان فد دمعة

    وكيف الحال لو شافوها سايلة دموع!

    ديل أهلي .. واللــــــــــه ديل أهلي

    البقيف في الدار في نص الدار

    وأقول لي الدنيا. كل الدنيا ديل أهلي

    عرب ممزوجة بي دم الزنوج الحارّة

    ديل أهلي .. ديل قبيلتي لمّن أدور أفصل للبدور فصلي

    ديل فصلي

    أقول بعضي

    ألاقيهم تسرّبوا في مسارب الروح

    بقوا كولي

    ألاقي قلبي والإحساس

    وسافر في بحار شوقم زمــــان عقلي

    أنا محل قبّلت ألقاهم معاي ، معاي زي ضليّ

    أنا لو ما جيت من زي ديل كان وا أسافاي ، وا مأساتي وا زّلي

    تصوّر كيف يكون الحال لو ما كنت سودان...

    وأهل الحارّة ما أهلي تصوّر

      الوقت/التاريخ الآن هو الأحد مارس 26, 2017 3:00 pm