رقراق الغرام

رقراق الغرام
كلمات الشاعر جادالله عثمان
***
سرسار جديول ريدك الجا بعد عطش
لولاه ما كان الزهر بعد الزبول تانى انتعش
*******
قطرات نداك البللت ريق الاراضى الكان يباب ما فيها قش
لبست بواديها الزفاف مستنى منك غيث ورش
*******
رقراق غرامك ما كفى يا يبقى ضل يا يكون شمش
تلفح وجوه امالى فيك تقلع عرق حبى العطش
حال الفراشات فى الصباح لو ما لقت زهرا بتطش
تعصر من الالم الدموع تنزف من العين الرمش
********
هجرة عصافير الخريف لى غير عيونك ما بتكون
عشرة سنين عمرى المعاك ابداً عليك ما اظن تهون
لو كان قلب مدنك ابا يحضن قلب ريفى الحنون
رسينى ما تخلينى فى بحر الهواجس والظنون
********
كان ظنى لما الدنيا تقسى على تكونى انتى الملاذ
زى الدعاش بعد المطر شايل على كتفو الرزاز
الواطة ترضى عن السماء ويصالح المطر الحراز
وفرح المواسم بى مجيك يبقالى تأشيرة وجواز
*********
لو تأكل الايام مناى او تشرب الاحزان هناى
لو تحترق امالى فيك او تبتسم خيبة رجاى
لى غير حنانك ما بحن ولى غير وجودك ما انتماى
بي انتى ارضى تكونى لى او لا تكونى بغير رضاى


سرسار جديول ريدك الجا بعد عطش
لولاه ما كان الزهر بعد الزبول تانى انتعش
*******
قطرات نداك البللت ريق الاراضى الكان يباب ما فيها قش
لبست بواديها الزفاف مستنى منك غيث ورش
*******
رقراق غرامك ما كفى يا يبقى ضل يا يكون شمش
تلفح وجوه امالى فيك تقلع عرق حبى العطش
حال الفراشات فى الصباح لو ما لقت زهرا بتطش
تعصر من الالم الدموع تنزف من العين الرمش
********
هجرة عصافير الخريف لى غير عيونك ما بتكون
عشرة سنين عمرى المعاك ابداً عليك ما اظن تهون
لو كان قلب مدنك ابا يحضن قلب ريفى الحنون
رسينى ما تخلينى فى بحر الهواجس والظنون
********
كان ظنى لما الدنيا تقسى على تكونى انتى الملاذ
زى الدعاش بعد المطر شايل على كتفو الرزاز
الواطة ترضى عن السماء ويصالح المطر الحراز
وفرح المواسم بى مجيك يبقالى تأشيرة وجواز
*********
لو تأكل الايام مناى او تشرب الاحزان هناى
لو تحترق امالى فيك او تبتسم خيبة رجاى
لى غير حنانك ما بحن ولى غير وجودك ما انتماى
بي انتى ارضى تكونى لى او لا تكونى بغير رضاى