خربانى ام بنـــــــــاياً قش

عثمان كوري كتب:

الدنــــيا

خربانى ام بنـــــــــاياً قش
فراقة الحبــــــــــــــــايب
مالا الدنيــــــــا دار الغش
تكتــــــر فى النصــــــايب

كت عايش مع محبــوبتى
مبسـوط خـاطرى طـــايب
جاتنى الدنيـا قالبى وشيها
ورتـــنى العـجـــــــــــايب

كل املى البنـــيتو اتــهـدّ
واصبــــــــح كوم خرايب
اطـلال تحكى للـ ما عرفو
كيــف قــاسى النـــــوايب

كالمجنـــون بلاهى برايا
فى الضِــحى والمغـــارب
فاقد رشدى ناحل جسمى
لوني إصـــفرّ شـــــاحب

فاضلي الجتي لي في الدنيا
والفــكر اصــــــلو غايب
صر ما بفرزالنـــاس ديمة
حتى اهــــــــــلى القرايب

روضى الكان زمان نسامو
لي زهــــــرو بيداعـــــب
مالو الليلة لافــحة سمومو
كتّــــــــــاحة وهبــــــايب

والنــــــاس ما بتريح ذاتا
كم لله عــــــــــــــــــاتب
زاد لي المــــلامة وقــالي
مجنـــــون وانت صـــايب

غنيت ...ما نفعنى غنايا
عاد شــن لى جـــــــايب
بس ســـاكت معذب قلبي
ديـــمة انا ليـــهو خارب

صر زى القمارى الدايحة
شايلة الشــــــــوق تغالب
زى زولاً بعيد فى غربة
ما اظـــــــــــن تاني آيب

والنار بين ضلوعي لهيبها
قاصــــــــــــــد قلبى طالب
آه يا قلبى ...شقيش تمشى
اخيـــر لك تبقى تـــايــــب

غايتو الســـلوى يا خِلايا
واصــــحابى الاطــــــايب
في طنبوري ، في نغمـاتو
ديـــــمة قليــــبى دايـــب